احساس بالانكسار
احساس بالانكسار
جربت تعيش احساس وهمي ؟ حاجة كدة فكرتها حقيقة و لأول مرة في حياتك تحس انك مش عارف انت حصلك ايه .. جربت قبل كدة تعيش وخلاص و تستمر في حياتك عشان المطلوب انك تعيش وخلاص و منتش عارف الدنيا مودياك لفين ... ده تقريبا المفروض نص اللي بحس بيه .. عشان لو كتبت كل احساسي هلاقيني مش لاقي كلام اكتبه .. هوا مش فراغ .. بس ده حاجة ملهاش وصف .. كأنك شايل حجر على قلبك و منتش عارف تتنفس ... هو في حياة كدة ؟ تحس انك ميت وانت حي ؟ تحس انك بقيت كومة من احلام منهارة .. احلام شبه موجودة او في نفس الوقت منعدمة .. طرق مسدودة ملهاش مفاتيح .. و بشر قلوبها حجر ... و احضان بقت زي البلاستيك .. نوم معدش له معنى وكأنك نايم في حضن الشوك ... شعور جامد متغطي بالانكسار ... و قلب صغير عارف ان القدر مكتوب بس بيآوح يمكن يحس الحنان في قلوب ماتت .. دنيا ملهاش طعم حتى لو حطتلها سكر زي طعم البرتقالة حامض !!!
ليست هناك تعليقات:
إرسال تعليق